بسم الله الرحمن الرحيم
الملـل والضيـق واحسـاس البعـد والجاهليـة
والأسى والغفلة أسبـاب(ن )أنـا منهـا ضحيـه
مـن عرفـت النفـس والله والمشاعـر أنثويـة
جيـت ابـدل فطـرت(ن) الله فطرنيهـا بنـيـة
وقمت اخشن صوتي اللي بـه نعومـه سرمديـه
لين صار الصوت يعصي لي حبال(ن) نرجسيـه
وقمت أقص الشعـر قصـه يشهـد الله مرجليـه
والعطر عطر(ن) رجالي لاجل يخـدم هالقضيـه
وقمت أغير بي طبوعن ليـن ضيعـت الهويـه
الحكي واللبـس والمظهـر ومشيـه عنجهيـة
ويعلم الله من بديت أمشـي علـى درب الخطيـه
كنت اظن انـي بهـذا الـدرب مشهـوره ذكيـه
وكنت احسب اني الا من جيت أبسترجـل هنيّـه
راح افـوز بنظـرة إعجابـن تونسنـي شويـه
وصار لـي بالفعـل والله معجبـات بكـل فيّـه
من رقم واحد إلـى ستـه إلـى عشـره وميـه
من كثرهن صرت اهوجس بالفرح روحه وجيـه
واصبحن مني يغارن ومن بعضهن بـس عليّـه
الولـه والحـب وأفكـار الـغـرام الاجنبـيـه
كانت أفعال البنـات اللـي مشـوا درب الرذيلـه
والله انـي كنـت أحـس إن السعـاده خالديـة
وكنت أحس إني انا موجـب وغيـري سالبيـة
وما وعيت إلا وأختي فـي عـداد أهـل المنيـه
وصار طيف اختي يجي بالصبح وفي وقت المسيه
وقمت اهوجس يوم تنصحني بأفكـار(ن) نديـه
وقتها سالت دموعـي وقمـت أمسّحهـا بيديـه
اذكر اني قد ظلمـت امـي وهـي حتمـاً بريـه
سمعتي بالأرض عند اللي لهم نفس(ن) رضيـه
لا صلاه ولا صيام ولا عمـل فـي حسـن نيـه
وان تـرى صليـت والله لا خشـوع ولا رويّـه
أبك نفسي كيـف كانـت تمتطـي درب الرديـه
عشت فتره من حياتـي ميتـه والنفـس حيـه
العفـو يـا رب ثـم العفـو لا تغضـب عليّـه
عبدك اللـي جـاك يسألـك العفـو والمرجعيـه
أسألـك يـا رب تمحـي لـي ذنوبـن سالفيـه
هذبـن يـا رب نفسـي ولا تواخـذ بالخطـيّـه
أشهـدك يـا رب انـي تبـت والتوبـه عطيـه
حرمن جسمي على نار(ن) حطبهـا نـاس حيـه
الأربعاء يناير 19, 2011 11:45 am